How I save 10k every month

How I Save 10k Every Month as a Student for Enugu Without Doing Hookup

Many people think you need yahoo or hookup to save money for Enugu. Lie.

I be IMT student and I dey save 10k every month from my small 20k allowance.

This na how I dey do am:

1. Food Budget - 8k for Month

I no dey eat for canteen everyday. I buy rice half paint 6k for Ogbete, share with my roommate. We cook for lodge for Sunday, e go reach Wednesday. Indomie for emergency only.

2. No Shayo Every Weekend

My guys dey go club every Friday for Polo, but I go once in a month. I use that 3k wey I for use drink beer buy data wey I use post for Lodpost and TikTok.

3. Okrika Over Boutique

I don stop to buy new clothes. My last shopping na 5k for 3 thrift shirts for Holy Ghost. E still fine pass 15k for boutique.

4. Side Hustle - Data Selling

I dey sell MTN data. I buy 10GB for 2,500 for my dealer, I sell 1GB for 350. If I sell 10 people, I don gain 1k. Small small e join.

That 10k I dey save, na am I take buy my small power bank and pay for my project later.

You fit save if you get discipline, no be by how much you dey earn.