Cultism a lost cause

Aboy

Cultism no be the way

For the street wey we dey so,

Niggers dey die every day.

For your mind now you dey sail safely,

With 10 boys wey cover you like assurance.

You dey burst bottle

Dey rass phones, dey claim pilot wey get strong coordination.

2 seconds you dey echo put call,

E no hard you last last the bastard wey challenge must fall.

Every minute you want make street show you love,

But as you dey so, no body like you, so for the street you No get love.

You become rebel,

You begin dey collect your bone men.

For your mind you get force,

As e dey be, for the street nobody f*cks

You torment okoro, james and kachi say make them join you,

but james no gree, you begin to dey collect am everyday like big fool?

But Yawa no dey!

you get force,

You tie Celina front and back, believe say you fit fly disappear like air force

but last last when casala come burst!

E done on you say james don reinforce

Abi you don forget, how you been dey achieve james every day?

Abi you think say the guy go just leave you make you peacefully sail?

na so james mount men, make them run you street,

you begin they form james bond,

but that day your niggers no dey for street?

Only you for one corner,

James with loaded clapper,

Shebi you see how life take dey sweet?

2 seconds james put am for your body,

Celina fail you, this one pass am e run leave your body,

Now you don die.

You mama, wey dey pray every day make you repent don dey cry,

My pikin oh

Madam your pikin don die!.

How e happen?

Your pikin na criminal him deserve to die.

Aboy

Cultism no be the way

For the street wey we dey so,

Niggers dey die every day.

NB: There might be someone, somewhere who might have been misguided into taking the wrong path in life "cultism", that person might not like his decision as he made them out of pressure, the quest for power or some other reason unknown.

But what i'm only trying to tell you is that

Bro!, cultism is not the way forward, there is a brighter, peaceful and safer path in life than cultism.

have a second thought bro, there's still a chance to change, and live a better life.